Category : Novel Malayalam | Author : Lajo Jose | Publisher: Mathruboomi Books എന്തു രസമായിട്ടാണ് ലാജോ ജോസ് കഥ പറയുന്നത്. പണ്ട് എഡ്ഗാർ വാലസിനെയും കോനൻ ഡോയ്ലിനെയുമൊക്കെ വായിച്ചപ്പോൾ കിട്ടിയ വായനാസുഖം. കാലികമാക്കിയ സന്ദർഭങ്ങളും ടെക്നോളജിയുടെ ഉപയോഗവുമൊക്കെ സൂപ്പർ, അവസാനത്തെ ട്വിസ്റ്റ് ഇഷ്ടമായി. എസ്തറിന്റെ എക്സൻട്രിസിറ്റികൾ അവളെ പ്രിയംകരിയാക്കുന്നു. - ചന്ദ്രമതി കോട്ടയം പോലീസ് മേധാവിയുടെ ഔദ്യോഗിക ഇ-മെയിലിലേക്ക് വന്ന ഒരു വീഡിയോ ക്ലിപ്പ് സൈബർ സെൽ വീക്ഷിച്ചു. ഏതോ ഒരു സ്ത്രീ അടുക്കളയിൽ ജോലി ചെയ്യുന്നു. ടിവി കാണുന്നു. ആരോ വെളിയിൽ നിന്ന് ഷൂട്ട് ചെയ്തതുപോലെ ദൃശ്യങ്ങൾ. പിറ്റേന്ന് ആ സ്ത്രീ സ്വന്തം കിടപ്പുമുറിയിൽ കൊല്ലപ്പെട്ടുകിടന്നു. അന്വേഷണോദ്യോഗസ്ഥരെ അമ്പരപ്പിച്ചത് കൊലപാതകം നടന്ന കിടപ്പുമുറിയാണ്. ആ മുറിയാകെ അലങ്കരിക്കപ്പെട്ടിരുന്നു. കത്തിത്തീർന്ന വലിയ മെഴുകുതിരികൾ മേശപ്പുറത്തു കാണപ്പെട്ടു. കിടക്കയിലും നിലത്തും വാതില്ക്കലും മറ്റും പൂക്കൾ വിതറിയിരുന്നു. -പിങ്ക് ഹൈഡ്രേഞ്ചിയപൂക്കൾ കഴിഞ്ഞ കൊലപാതകങ്ങൾ പോലെ എല്ലാം കാണപ്പെട്ടു. രക്തം പുരണ്ട കിടക്കവിരി മൂലയിൽ, എരിഞ്ഞുതീർന്ന സുഗന്ധം പരത്തുന്ന മെഴുകുതിരികൾ, വാതില്ക്കൽ തൊട്ട് കിടക്കവരെയും കിടക്കയിലും പിങ്ക് ഹൈഞ്ചിയപ്പൂക്കൾ. ഉദ്വേഗവും സസ്പെൻസും കാത്തുസൂക്ഷിക്കുന്ന വ്യത്യസ്തമായ കുറ്റാന്വേഷണ നോവൽ